ZINEUSKARA

Gizartean

Programa honek, helburu nagusi gisa identitatea lantzea du, horrela ikasleek norbere burua integritatez, duintasunez, orekaz eta koherentziaz ezagutuz, beraien nortasuna garatu dezaketelarik. Erabakiak hartzea, autonomia eta independentzia sustatuz.

Umeak, ikusentzunezko mezuen ulermen eta interpretaziorako prestatzen hasten gara (alfabetatze mediatikoa).

Honetaz gain, Euskararen erabilera, hezkuntzan eta bizitza sozialean sustatzen ditugu, horrela etorkizunerako euskarazko ikusleak eskuratuz.

Nori zuzendua dago

Haur Hezkuntza (HH) eta Lehen Hezkuntzako (LH) ikasleei zuzendua.

Programan landutako filmak

ILARGIRANTZ

Gai Nagusia

Irudimenaren boterea

Sinopsia

Bahitutako bere arreba txiki Anne erreskatatzeko, Peterrek bidaia magiko bati ekin beharko dio lurralde misteriotsu batean barrena... ilargia!

Ilargiko Gizon gaiztoak bahitu du Anne, honek bere lagun kakarraldoari, Zoomzeman jaunari emaztea bilatzen laguntzen ari zitzaionean. Bere fantasiazko abenturan, Larre izartsuan lurreratuko da Peter, eta “lo dagoen” Hareaztatzaile jauna ezagutuko du.

Bertan jakingo du Anne non dagoen aurkitzeko modu bakarra Gaueko Maitagarriaren afarira joatea dela, Hodeietako Jauregian.

Fitxa teknikoa

Ali Samadi Ahadi, Alemania, 2021, 85 min

TESS ETA NI

Gai Nagusia

Familiaren garrantzia.

Sinopsia

Sam eta haren familia oporretan joan dira. Istripu baten ondorioz, biziko dituen abenturetan jakingo du zein garrantzitsuak diren familia eta adiskidetasuna.

Fitxa teknikoa

Steven Wouterlood, Herbehereak, 2019, 82 min.

AINBO: AMAZONIAKO GERRARIA

Gai Nagusia

Gure jatorria ezagutu eta onartzearen garrantzia.

Sinopsia

Ainbo txikia Amazoniako oihan sakonean bizi da. Ama galdu ondoren, herrixkako nagusiekin haserretu da arkulari gaztea, eta bidaia bati ekingo dio bere herria gizon zuriaren handinahi suntsitzailetik salbatzeko.

“Ainbo” heroi gazte baten eta bere espiritu gidarien bidaia epikoa da: Dilo, armadilo txiki eta jostalaria; eta Urde, tapir mardula. Elkarrekin ekingo diote bilaketari, Amazoniako oihan zoragarriaren erdian dagoen euren bizilekua salbatzeko.

Fitxa teknikoa

Jose Zelada, Richard Claus, Peru, 2021, 84 min.

ORKESTRA LURTARRA

Gai Nagusia

Bizitzan ezer ez da erraza eta ez da lanik egin gabe lortzen.

Sinopsia

Manu, haurra zela, Stella Panini piano-jole handiarekin maitemindu zen, eta hura ezagutzea zuen amets.

Horretarako, Stefano Salegi, gerora manager bilakatuko den pertsonaia ilunaren aholkuari jarraituz, orkestra bat osatuko du. Baina Manu, ameslariaz gain, bere kabuz doan ‘outsiderra’ ere bada. Jendeak ez du berezitasun hori ulertzen, eta bere instrumentua, erratza, izaera berdingabe horren adierazlea da.

Fitxa teknikoa

Imanol ZinkunegI, Joseba Ponce, Euskadi, 2022, 70 min